Singer-songwriter Teddy Swims, a hming tak Jaten Dimsdale, chuan Billboard Hot 100 chart-a a hla lang hmasa ber chu chart No.1 a kaipui nghal zawk mai. Hetihrual hian Cardi B pawh top 10-ah a rawn lang ve leh ta bawk. Teddy Swims hla thar ‘Lose Control’ chu Hot 100 chart-ah hian hian No.2 atangin No.1 a kai thar a, he hla hi he chart-ah a vawi khat lanna a ni a, hetihrual hian record a siam a, a hla hi chart-a a lan tan atanga kar 32-naa No.1 a kai chauh a, mipa solo artist hla sak zinga chart-a lan hnua No.1 kai tura hun duh rei ber a ni.
Billboard Hot 100 (singles) chart hi kar khat chhunga US-a hla lar dan tehna niin, chart ranking siam nan hian all-genre US streaming (official audio leh official video), radio airplay leh sales data te chu tehna pawimawh a ni.
Teddy Swims ‘Losse Control’ hian kar khat chhungin radio airplay-ah ngaithlatu maktaduai 59.1 neiin, stream maktaduai 23.2 leh sales 8,000 a tling thei a, hei hi chart-ah a No.1 pui ta a ni. He hla hi a full-length album hmasa ber ‘I’ve Tried Everything But Therapy (Part 1)’ atanga a single a ni.
Benson Boone hla ‘Beautiful Things’ pawh chart No.3 atangin No.2 a kai thar a, chart No.1 hlui Ariana Grande ‘We Can’t Be Friends (Wait for Your Love)’ chu No.1 atangin No.3-ah a tawlh a, chart-ah kar ruk No.1 gthei Jack Harlow ‘Lovin on Me’ chu No.5 atangin No.4-ah a insawn leh hret a, chart No.1 hlui bawk Ye leh Ty Dolla Sign ‘Carnival’ featuring Rich the Kid leh Playboi Carti chu No.4 atangin No.5-ah a tawlh ve thung.
Chart No.1 hlui Beyonce ‘Texas Hold ‘Em’ chu No.6-ah bawk a la awm a, chart No.1 hlui Zach Bryan ‘I Remember Everything’ featuring Kacey Musgraves chu No.9 atangin No.7-ah a insawn leh hret a, Tate McRae ‘Greedy’ chu No.8-ah bawk la awmin, chart No.1 hlui Taylor Swift ‘Cruel Summer’ chu No.13 atangin No.10 a kai thar ve leh ta bawk.
Teddy Swims ‘Lose Control’ a Hot ber
