RJD leader Tejashwi Yadav chuan Nitish Kumar chu natakin Bihar assembly a trust vote neihnaah a bei a. Nitish Kumar hian RJD te nena an inzawmna chu chhuchatin BJP te nen sorkar siam lehin a sorkar fiahin a awm a ni.
“CM a\anga i bana Raj Bhavan i chhuahsan chiah khan a nuam ka ti lo i ti a, tihlim tur che u in em ni kan awm? Nangmah thlawp tur zawka awm kan ni” tiin Tejashwi Yadav chuan a sawi a.
Kumar chuan history siamin chief minister atan \um 9 lakluh a ni a. “mahse, term khata \um thum chief minister atana lakluh chu kan la hmuh ngailoh a ni” tiin a sawi bawk.
Bihar mipui te chuan eng vanga thawhpui thlak kual sek nge a nih an hre duh tia sawiin, “Bihar naupang tupawh Nitishji i ring em tiin zawt ula, eng \awngkam nge an hman ang tih pawh ka sawi thei lo” tiin Yadav chuan a sawi bawk.
Kumar hian kum 2013 a\angin thawhpui \um nga a thlak tawh a, CM erawh a la ni reng thei thung. “Modi hian lam\ang a thlawk tawh lo ang tih a tiam ngam em?” tiin a sawi bawk.
“Hun a kal ang a, Tejashwi chu a la awm reng dawn. Mi chau kan duh duh lo, mahse intihluihtirna chu kan hria” tiin a sawi bawk.
Bihar Assembly a Nitish Kumar sorkar fiahna neihah Nitish Kumar sorkar BJP nena siam chu a kaltlang a ni.
Tejashwi Yadav an Nitish Kumar bei na hle
