Maharashtra state sorkar chuan Shah Rukh Khan security chu Y+ category-ah a tisang a, hei hi an State Intellifence Department (SID)-in tunhnaia Shah Rukh Khan-a’n thaha vauna a thawh chungchang an thlir hnuah an rawtna a ni.
SID hian Shah Rukh Khan hian engtiang chiahin nge vauna a dawn tih hi an puangzar lo a, mahse, Bollywood superstar-in vauna a dawn hi en liam mai mai chi a nih loh thu leh thil thleng thei laka hmalak thuai chu tulin an hria a, high-power committee meeting-in Shah Rukh Khan security chu Y+ category a tisan an rel ta a ni.
Y+ category venhimna pek a nih takah chuan Shah Rukh Khan hian venghimtu sipai 11 a nei tawh dawn a, chung zinga paruk chu commando niin, police pali leh traffic clearance vehicle pakhat a nei dawn bawk a ni. Hei bakah hian a bungalow Mannat-ah police duty an awm reng dawn bawk a ni. Report-a a lan dan chuan Shah Rukh Khan hian a venhimna dawn a sum leh pai hi ama chawi tur a ni a, high-level committee recommendation leh review committee thuthlukna angin an kalpui zel dawn a ni.
Thaha vautu an awm avangin Shah Rukh Khan venhimna an pek belh
