Thailand in capital sawn mai thei

Thailand chuan capital Bangkok chu tui chimchin san zel avangin sawn dan a ngaihtuah mai thei tiin senior official chuan a sawi.
Projection hrang hrangah Bangkok-a hmun hniam lam chu tun kum zabi tawp lamah chuan tuiin a chim tawh dawn tia sawi a ni.
Pavich Kesavawong, Deputy Director-general of the Government’s department of climate change and environment chuan Bangkok khawpui chuan tun ang zela khawvel a lum zel chuan a insiamrem ve thei dawnin a lang lo a ti a.
“Tunah pawh 1.3=5C aiin khawvel a lum tawh zawk a nia” tiin khawvel temperature pre-industrial level atanga chhuta a san tawh dan a sawi a. “Tun ang renga thil a kal a nih chuan Bangkok chu tui hnuaia awm tur a ni” a ti bawk.
Bangkok City government chuan tui chim chin sang zel dan nan hmalak dan tur te ngaihtuah tawhin Netherlands-a an tih dan anga tui danna lei chhun vum ang te pawh an ngaihtuah tawh thu an sawi bawk a.
“Bangkok chhuahsan mai ni se tih ngaihdan te pawh kan nei a ni” tiin Pavich chuan sawiin sawihona neih mek zel a la ni a, tunah chuan thil ni thei kan chhut tlang rih hlawm a ni a ti bawk a.
“Mimal tak chuan Bangkok chhuahsan a tha ka ti a, capital-ah Government areas leh business area te siam hrang law law ila a tha a” tia sawiin, “Bangkok chu Government capital a la ni tho ang a, mahse, sumdawnna chu hmundangah sawn a ni dawn a ni” a ti bawk.
Khawpui sawn chu thil thar a ni hauh lo. Indonesia pawhin kuminah capital thar Nusantara luah tan tawhin kum tela pil hniam mek Jakarta chu a chhuahsan tial tial a ni.