Thailand chu Asia chhimchhak rama neih inang inkawp phalna hmang hmasa ber an ni dawn ta a, hman phalna bill hi June thla khan pawm lo ni tawh mah se, an ram lal pawmpui a ngai a. Lal chhungkaw thuchhuah chuan thawhlehni khan hman theih a nih tak thu a tichhuak a ni.
Thailand hian hun rei fe atang khan neih inang inkawpna hi a thlawp thu an lo sawi tawh a, hemi kawnga hmalatute pawhin theihtawpin a hlawhtlin theih nan an lo bei thin tawh bawk.
LGBTQ+ activist leh co-founder of the Bangkok Pride movement ni bawk Ann Chumaporn chuan he thu hi a hriat veleh a lawmzia sawichhuakin, an dikna leh an zalenna zalen tak leh langsar taka an hmang thei tur chu a lawmzia a sawi a, kan intluktlanna leh midangte rap bet zawnga khawsa thinte chuan hmun kil lam an pan ngei ang, kan zalenna kawl a eng ve ta, a ti.
Ann-i chuan an lawmzia leh an zalenna dik tak an hman theih ngei tawh nan kum thar January 22 hian neih inang inkawpte tan inneih runpui buatsaih ngei an tum thu a sawi bawk.
Thailand prime minister Paetongtarn Shinawatra pawhin he bill hi pawm a nih thu a hriat veleh thuchhuah siamin, “Inhmangaihtawnte zawng zawng ka lawmpui tak zet e,” a ti ve bawk.
Thailand lalin neih inang inkawp phalna pawmpui
