Thailand ram hruaitu lo zin

Thailand ram hruaitu lo zin
Thailand ram foreign minister Maris Sangiampongsa chuan ni hnih cham turin New Delhi a thleng a, vawiin hian India foreign minister S Jaishankar nen an inkawm ang.
Minister of Foreign Affairs of Thailand Sangiampongsa hian zirtawpni khan India thlengin, vawiinah foreign minister Jaishankar nen an inkawm tur thu Ministry of External Affairs (MEA) chuan an tarlang a, naktuk hian an ram panin a let leh ang.
Sangiampongsa hian July 11-13 chhunga India external affairs minister in a buatsaih BIMSTEC foreign ministers’ retreat vawi hnihnaah khan New Delhi hi a lo tlawh tawh a, official a a rawn kal hmasak berna a ni nghe nghe.
Hemi tum hian ram pahnih foreign minister te hian thawhhona kawng hrang hranga hmasawnnate thlir dunin, political exchange, defence leh security a inzawmna, sumdawnna leh investment lam thlenga sawi dunin, hriselna leh mipuite inkara inpawh tawnna bakah kawng tam taka hmasawnna tur an sawi dun a ni.
Ram pahnih prime minister te hmathlir angin minister te hian India leh Thailand inkungkaihna leh inpawhna nghet zawk neih dan turte an sawidun dawn niin MEA chuan a sawi bawk.
Heng bakah ram pahnihin thawhdun theihna an neih ang ang a tam thei ang ber an sawi dun dawn nia sawi niin, inbiakna hlawhtling tak a nih ngei tur thu MEA chuan an sawi zui bawk.