Thakthing thatna
Cinnamon an ti a, kei nin thakthing kan ti. Thakthing chu kan cho a, sil pawh sil mang loin a zung kan khel mai thin kha a ni a, tunlaiah erawh thakthing chawh tur pawh a vang ve viau tawh awm e. A thak thlum deuh a, a rim a tui hle. Tunlaiah chuan chawhmeh tihrimtui nan kan hmang uar ta hle a, taksa hriselnana a thatna lam erawh kan hre vak lo mai thei. Tun tumah hian Times of India health section-in thakthing thatna ni a an sawi te kan rawn tarlang e.
1. Blood sugar level a siamtha thei a, chuvangin diabetic tan a tha hle.
2. Cholesterol chhe chi (LDL) level a tihniam thei a, chuvangin lung (heart) tan a tha hle.
3. Ei tur vawn thatnan a tha hle a, natural food preservative a ni.
4. Fibre, calcium, iron leh manganese te a pai.
5. Natural chemical ‘cinnamaldehyde’ a pai a, chu chemical chuan hmeichhiaah hormone progesterone tipung thei a ni a, chutihrualin testerone insiam tur a titlem thei bawk a, hormone balance a siam. Hetiang a nih avang hian hmeichhe inti mipa, patil kan tih ang chi ho tan intih hmeichhiat leh theihna tha tak a ni. Progesterone chu hmeichhia te tihmeichhiatu hormone a ni a, testerone chu mipa te hormone a ni ve thung. Hmeichhiaah testerone a tam hian an inti mipa duh riau thin a, thakthing hian hmeichhiaa testerone insiam tur a titlem thei a ni.
6. Anti-bacterial properties a neih avangin kachhung enkawl nan an hmang nasa hle a, ha leh hahni te tichhe si loin bacteria a tihlum thei a, hei vang hian toothpaste, mouthwash leh ka chhung tihrimtui chi hrang hrang siam nan an hmang lar hle.
Thakthing Thatna
