m thei ang ber hna siam an tum tih ZPM working president K Sapdanga chuan a sawi.
Tuichang bial khaw thenkhat a fannaah ZPM working president chuan an party an sawrkar chuan thalai hna hmu lo te tan a tam thei ang ber hna siam an tum tih a sawi. “Thalaite hi kan ram la enkawltu tur, chhungkua la chawm tur an ni. An hmakhua an ngaihtuahin tun dinhmunah an tan beisei tur a awm lo niin an hria a; thalaite beiseina tihhlawhtlin hi ZPM din chhan zinga pakhat a ni,” a ti.
Thalai lehkhathiam chauh niloin lehkhathiam lo te pawh ‘bana kaih’ hmangin an khai chhuak dawn tih a sawi a. Party thenkhatten an lo huphurh pui a, an ni chuan a kawng an hria a, an phur em em tih a sawi. “Ram pawna thalai awmten ram an rawn vei a, an chhungte sawrkar kalphung thlak a ngaih thu an rawn chah chamchi a. Kan ram inrelbawl danah an lung a awi loa, an thla a muang lo. Nu leh paten an fate tana thlamuang taka ei an zawn theihna leh innghah ngamna sawrkar siam hi kan din chhan dang a ni,” a ti.
Tun sawrkarah sawrkar hnathawkten an hlawh chungchangah harsatna an tawk a, a hun taka hlawh lak chu sawi loh an GPF pawh an duh hunah an la chhuak thei lo tih K Sapdanga hian a sawi. “Pension hlawh thlengin harsatna an tawk a ni. Sawrkar hnathawkte hian sawrkar thar hmel hmuh an chak a, office-ah politics an sawi hreh tawh loa, inthlan an nghakhlel a ni,” a ti.
Thalai hna hmu lo tan a tam thei ang hna siam tum
![](https://theaizawlpost.org/wp-content/uploads/tap_logo-min-large.jpg)