Nunutei
(Israel Lalnunpuii Hmar)
Khawvel chu eng nge?
“KHAWVEL” chu khawvel a ni. “It’s my life!”, “This is khawvel everything is cartoon” te kan ti vel thin a ni tiraw, a chhunga chêng mi tam zâwk hi chuan! Khawvel a ni a, ka nun a ni, ka nunah lo buai su… te kan ti a. Ni e, a dik alawm, khawvel a ni, kan nun a ni, eng nga ti nge mite hi an lo buai tlat thin ni?
Mahse, he kan chenna khawvel hi tu siam nge? Pathian siam! Kan Mizoram Kohhran leh khawtlang inzirtirna-ah chuan, a tê ber atangin Pathian siam a ni tih chu chiang takin kan hre vek âwm e. Pathianin khawvel a hmangaih em em a, chuti chuan a fapa mal neihchhun a pe a!
Khawvelah A Fapa mal neihchhun :
Tunge mahni fa mal neihchhun hmangaih lo khawvelah hian awm ang le? Tu paw’n kan fa neihchhun chu kan hmangaih vek ka ringhlel lêm lo.
Pathian meuh, “Kan Pa, Vana mi” kan tih thin kan Pathian ngei mai khân a fapa mal neihchhun kha khawvelah a rawn tîr a ni. Engtin nge an lo tih? ‘Kraws-ah khengbet rawh’ tiin an lo au chiam chiam a nih kha! Chutah kan tân, min chhandam turin, a nun a la hlân zui. Ringtu intite hian zir tur kan va ngah tak em! Kan tân A fapa a rawn tîr a, khawvel danah thiamloh chantirin a awm a, kan tân Kraws-ah a nun a hlân ta a nih kha! “Ka Pa, he no hian min pel lul rawh se!” tiin lungngai takin a tawngtai ve asin! Kraws khawngaihna leh hmangaihna hi ril tak a ni rêng a ni!
|halaite :
Hla siamtu chuan, “Hringnun pâr vul lai a tawi mang e,” a lo ti a. Kan hringnun a hrin that lai ber, kan hringnun a pâr vul lai ber chu mithiamte chuan Teenage (13-19) inkarah hian an dah deuh bîk kher a. Kan nun insiam hun lai ber, kan damchhung khawsak lungkham zawng zawng thlenga nghawng vek thei khawp kum pawimawh angah an dah a ni. Kan sawrkar hrawn mêk Zoram People’s Movement (Kalphung Thar)-ah pawh “|halaite khawvel” an tih kha maw. |halaite tih chuan tuma’n naupang leh pitar putar kan mitthla ngawt pawh a rinawm lêm loh e!
|halaite chu engtin nge Bible-in a tih ve thung?
Ringtu nun hi ringtu inti Christian 100-ah 100 inti ngam thinte tân hian a va harsa thin tak em! A bîk takin thalaite tan chuan harsa leh zual tak a ni tiraw. Mahse, kan Bible chuan tehkhin thu ti hian min hrilh, “Ka Pa chu grep huan neitu a ni” (Johana 15). Hla siamtu C. Lalzarmawia chuan, “Kan zinna he lei hi zawng lungngaihna hmun mai lo ni, hlimni lo thleng thin mah se tahni-in kan khar leh thin. Lungngaihna leh manganna te’n min chîm buai lai ni hian tu hringnun nge maw lungawi ngai le?” a lo ti hnâp a nih kha!
Lal Isua meuh pawh khawvelah a lo kal a, dawta puhin sual tinrengin an hêk a, khawvel danah thiam a chang lo a nih kha! |halaite kan nih bîk avang hian “It’s my life” ti ringawt thei kan va ni bîk lo tak em!
Pathianin kan hlim a phal a, nuam kan tih pawh a phal. Mahse hun tâwpah Rorelna kan hmachhawn vek dawn tih hre reng turin min duh a ni. Kan tân A tuar natzia, thisena lei kan ni tih leh Kraws thu hre ve thin tân chuan, thlemna a lo kal rualin tlânchhiat lehna min siam (1 KORINTH 10:13 MIZOVBSI https://bible.com/bible253/1co.10.13.MIZOVBSI) tih pawh kan hre âwm e.
|halaite tan chuan a harsa leh zual thin tih hi rilru-ah a lo lang a, a lo awm ve thin tiraw. Mahse, min khapsak tlattu nung kha keimahni-ah a awm chuan theih loh reng a awm lo a ni. Mi tichaktu-ah chuan engkim ka ti thei tiin Thuthlung Thar-ah min lo hrilh daih tawh si a. Kan tân Lalpa a va han tha tak em!
Depression leh |halaite :
Tunlai thalai tam berin Depression an tih ve ngawt, rilru damlohna ka vei an tih ngawt thin lar tak mai hi a bul berah chuan Nu leh Pa thuawih loh vang leh mahni inhmangaih lutuk vang a ni. Dr. C. Lalhrekima thusawi lâr tak, kan naupan deuh laia a lo sawi thin ka la hriat ve reng chu, “Ka bialnu-in min then a, ka rilru a na, chaw ka ei thei lo, ka hlim lo, an ti, kha kha Depression nei emaw an in ti ringawt zel”. Ngaihtuah chian chuan pu Hrekima khan a lo va sawi dik ve, ti raw! Kan Psychiatrist-te tan hian a va han luhaithlak mep mep thin dawn tak em!
Kan Generation chu kan vannei tawh zawk a, nu leh pa tam takin an fate hriatthiamna nen an en a, kehthei dawm tak meuh meuhin an dawm tawh a, thlalai tamtak zingah Rilru Damlohna vei tak tak si lo, inlak pangchan leh inlak nonal mai avanga Depression leh Anxiety ka nei lo inti ve tawp tâwk lah bo lo. Kan ramah hian kan Sawrkar hian Rilru Damlohna natna veite hi a dah pawimawh em em a. Mi-â Ward te an ti mai thin a, Mental Hospital changtlung tak pakhat chu kan nei ve, Kulikawn Damdawi in tia kan hriat lâr em em saw a ni. Rilru Damlohna natna hi a awm tak meuh meuh a, awm lo ni se Pathian hian A mîte hmang hian mithiamte, rilru lam zirmî, Psychiatrist-te hi min chhawpchhuahsakin ka ring lo a ni. A lâr zual tlem azawng han tarlang ve ila – Bipolar Disorder (mood inthlak thut thut ), Insomnia (zân mut theih lohna hri), Anxiety / Depression (dam thlâkhlelh tawh lohna, ken tel tam tak a nei), Schizophrenia (thil thleng si lo, a thleng emaw tih tlatna, mumang leh a tak hriatpawlh tlatna, etc.) leh Hallucination (Mangchhia) te a ni.
Depression nei thinte chuan kan hre vek awm e, a hrehawmzia leh a rapthlakzia. Nimahsela, ngun takin han ngaihtuah chiang ila, Ephesi 6:1-3 “Naupangte u, Lalpa-ah chuan in nu leh in pa te thu zawm rawh u”.
Naupangte u, leia kan hmuh theih, kan lei Pathiante chu kan nu leh kan pa te an ni. A hring a hranin kan hma-ah Isua a rawn inlar ve thei tawh lo. Chuvangin leia kan hmuh theih kan Pathiante chu kan nu leh kan pate an ni. Chuvangin an thu han awih em em phawt ila, a bak chu ‘Kan Pa, Vana mi’ khian mi tihsak zel dawn a ni.
“Naupang ka ni tawh hlei nem, puitling ka ni ve tawh,” tih tawngkam hi kan Mizo Society-ah hian a lâr em em a, nimahsela, kan Bible-in “Naupang te û” a tih kha kan damchhung hian kan nu leh kan pa te’n min dampui tawh loh hnu thleng hian kan la ni vek asin. A chhan chu kan nu leh kan pa te’n min dampui tawh lo-in, min lo kalsan hmasa pawh ni mah se, ‘Kan Pa, Vana Mi’ hnenah thlamuang takin an chawl tawh si a. Kan Pa diktakin a hnenah a lo hruai hmasa tawh zawk zu nia!
‘Lungawina kim Isua Krista’ hi kan lo neih loh thin vang alawm rilru damlohna avanga kan lo buai kan lo buai thin le. Mi zawng zawng chungah hian thil engkim hi a inang vek hian a lo thleng a, vânduai bîk riau nia inhriatna kan lo neih thin vang alawm “ka depress” te kan lo tih thin ni.
Khawvela lehkhabu ropui ber kan BIBLE-ah ngei mai hian a lo chuang vek zu nia, Thuthlung Hlui leh Thuthung Thar-ah!
Engthawlna thu: Matthaia 5:8 MIZOVBSI https://bible.com/bible/253/mat.5.8.MIZOVBSI
Thilsiam zawng zawnga ropui ber mai, Ama anpui ngeia a siam khawvel mihringte hian ni tina kan Kraws pu ve-a zui tur kan nih lai hian, harsa kan ti thin a ni tiraw. Mahse maw, Ama anpui ngeia siam kan nihna lai tak, duhthlan theihna thluak kan neihte hmang tangkai tlângin second-tin mai hian Amah hre reng chungin, “Ka nunah i duhdan lal ber se,” ti thei theuh ila, engkim “Amen” theihna rilru pu tlang ila chuan maw, |halaite tan hian theih loh a awm bîk miah lo asin.
“|halaite u, in that lai chên ula,
In la naupan viau lai hian hlim rawh u;
In thinlung duh zâwng chu zâwm ula,
In mitin a hmuh châk zâwng nên chuan;
Amaherawhchu, chûngah chuan Pathianin in chungah Ro a rêl dâwn tih hre reng ang che u.”
THUHRILTU 11:9 MIZOVBSI https://bible.com/bible/253/ecc.11.9.MIZOVBSI