Nimina Mizo Hnam Runa chhung inkhawm political session-ah MNF Gen Hqrs Adviser pakhat chuan, ‘tun dinhmunah chuan politics a ni emaw, kohhran huang chhungah pawh thalaite mize mila kal thiam apiang an dingchang tawh a, kan rilru leh ngaihtuahna zawng zawngte chu thalaite rilru mila kan inher rem thiam a pawimawh tawh a ni’ tiin a sawi a.
Hei hi ngun taka ngaihtuah a pawimawh dawn hle.
Kohhran thenkhat chuan, kohhran huang chhunga thalaite an tel tam theih nan thalaite hip thei tur, thalaite lawmzawng tur programme eng eng emaw huaihawt an intihhmuh a. Kohhran huang chhunga thalai pawlte pawhin an thalaipuite hip khawm nan thalaite lawmzawng an ngaihtuah thin. |halaite hip khawm tum lutukna lamah hian, thih hnu piah lam thlarau kalkawng ngaihtuah lek lova phusak chiam hi thil awm thei, hlauhawm tak a ni awm e.
Political huang chhungah pawh hian, thuneihna leh lalna chan duh luat avanga thalaite rilru mil zawng nia kan hriat anga thalaite hip khawm tum ringawt hi kan target a nih chuan, ram leh hnamin hma sawn phah chuang si lo leh, thalaite pawhin dinhmun ngelnghet siam phah nana hmang pha tak tak si lo hian a beidawng tawk lek hian kawnglakah kan inhnutchhiah zut mai ang tih a hlauhawm thei bawk awm e.
|halaite hi experience la nei lo, kaihhruai ngai zawk an ni a, an rilru pawh a la puitling zo tawk lova, an rilru mila inher rem ai chuan, an sukthlek her dik tura chher hriam hi a pawimawh zawk dawn niin a lang. Tuna thalai lehkhathiam hnathawh tur nei lova awm nghek nghukte hi, ‘zawng rawh u, ti rawh u…’ ti liam mai lova, an tih theih tur emaw, an tihtur emaw chhawpchhuahsak hi a pawimawh zawk a. Chumi atana remchang em em pakhat chu, agriculture lama potential tha tak kan neih mek mila thalaite rilru her rem hi a pawimawh hle a; chutiang ti theitu chu sawrkar hi a ni. |halaite facilitate hi sawrkar tihtur a ni a, ‘puar takin ei rawh’ ti si a, eitur pek leh si loh ang maia, thalaite hi facilitate tum si lova ‘thawk rawh u’ tih rikngawt hian awmzia a nei thui dawn lo. Chuvangin, kan ram leilung awl diai duai te hi chhawr tangkai turin thalai tha chak zawkte hman tangkai dan ngaihtuah hi kan ram dinchanna tur a ni.
Thalaite mize mila kal thiam apiang dingchang…
