Thangthar leh kuthnathawktute tan innghahna tlak ram kan siam a ngai tih deputy chief minister Tawnluia chuan a sawi.
Tuichang Assembly constituency atanga MCS Combined Examination 2023-a preliminary paltlang, Main examination pe tur mi 5 te nen inkawmhona July 21-a Aizawla hmanah Tuichang bialtu MLA ni bawk Tawnluia chuan an bial chhunga thalaite hmasawnna leh changkan zelna atan theihtawp an chhuah a. Khaw hrang hrang Welfare nen tangtlangin zirna lamah leh infiamna lamah infuihphurna neihpui thin niin, thalaite hmasawnna tur leh dawmkanna turin tha an thlah lo tih a sawi.
An bial hmasawnna’n enge hmalakna tur ni ang, tih an ngaihtuah thu sawiin, nitina kuthnawthawktute chawikanna’n SEDP kaltlangin hma lak a nih thu a sawi a. Tualteah tomato, Khawhai leh Chawngtlaiah sapthei, Sialhawk leh Chalrangah lakhuihthei chintira hma lak a nih thu leh a hlawhtlinna an hmu tan dawn dek deka an ngaih thu a sawi.
“Kuthnathawktute leh thangtharte tan innghahna tlak ram kan siam a ngai a. An thawh thiam leh theih ve a awm zel a. Kan kutkawih ngei hmanga intodelh kan tum chuan a theih tlat a ni,” a ti.
He inkawmhona hi hun hnihah then niin, hun khatnaah hian Khawzawl district huamchhung khaw hrang hrang atanga sawrkar officer lian (MCS, MPS, MIS) hna chelh mekten thutawi an sawi a ni.
Thangtharte tan innghahna tlak ram kan siam a ngai – Tawnluia
