Thawhlehni zan khan Huntley chu The Vocie season 24 winner a ni ta a, The Voice coach Niall Horan tan he show winner pahnih a neihna a ni.
Host Carson Daly chuan, “Huntley, The Voice chu nang ngei hi i ni e. Ka lawmpui che,” tiin result a puang a. Huntley chu a hnuk a ulh a, runner-up Ruby Leigh nen an inkuah zui a, coach Niall Horan chu stage-ah tlan lawnin Huntley chu a kuah ve nghal bawk. Huntley leh Horan te hian Bob Dylan hla “Knockin’ on Heaven’s Door” an sa dun nghe nghe a ni.
Final-ah hian coach Nial Horan hnuaia awm tho Mara Justine, Team Reba McIntyre Jacquie Roar leh Ruby Leigh bakah Team John Legend Lila Forde te lakah kum 33 mi, Huntley hian hnehna a chang ta a ni. Huntley hian audition-ah ‘She Talks to Angels’ hla sain, coach pali ten an duh tih lantir nan an thutthleng an a lamah an tivir chhuak vek a ni.
Coach ten an duhna chhan te an sawi tliar tliar hnuah Huntley chuan a fanu, kum 6 mi, Stella chu stage-ah ko chhuakin, duh a thlan tir a, Stella chuan Horan a thlan sak ta a ni.
The Voice 24 winner Huntley
