Canadian zaithiam The Weeknd, a hming tak Abel Tesfye chuan a hla ‘Die for You’ chu Ariana Grande nena remix a tihchhuah hnu lawkah Spotify-ah record a siam a, February ni 27 khan Spotify-a a hla ngaithlatu thla khat chhunga maktaduai 100 nei tling thei hmasa ber a nih thu Spotify-in an puang a ni.
Thla khata ngaithlatu maktaduai 100 neih tlin theih hi thil harsa zet mai a ni, The Weeknd hi Miley Cyrus-i’n a dawt a, ani hi a hla ‘Flowers’ lar vanglai a ni bawk a, thla khatah ngaithlatu maktaduai 82.5 a nei tling a, Taylor Swift-i’n dawtin, thla khatah ngaithlatu maktaduai 80.3 a nei a, Drake-a’n ngaithlatu maktaduai 68.6 neiin a dawt ve bawk.
The Weeknd sawi takah chuan a concert special, nikum-a After Hours ‘Til Dawn Tour a neih laia an record ‘The Weeknd: Live at SoFi Stadium’ chu HBO Max-ah tun weekend hian an tichhuak dawn a, a HBO drama ‘The Idol’, Euphoria vsionary Sam Levinson leh Reza Fahim te nena an siam, Lily-Rose Depp, Troye Sivan, BLACKPINK member Jennie leh milar dangte inlanna pawh kumin kum chawhnu lam hian an tlangzarh dawn bawk.
The Weeknd-a’n Spotify record a siam
![](https://theaizawlpost.org/wp-content/uploads/2023/03/week.jpg)