Thenzawl-a Women Hostel
sak mekah tihthat ngai hmu
Mizoram State Project Monitoring Committee chuan an vice chairman R Lal Rinawma, IRS (Rtd) hoin Thawhlehni khan Thenzawla Working Women Hostel sak mek an tlawh.
Hnathawh kal lai, basement chhun mekah technical thil tihthat ngai, concrete siam dan, a hmanrua inpawlh dan, rora len dan leh balu an hmanah siamthat ngai lai an hmuh chu a hmunah a theih ang anga sawiho nghal a ni a. He hna thawktute chu nakin zelah an hnathawh sawisel a awmlohna atan uluk lehzuala an hnathawh vil turin an chah.
MSPMC member-te hi nodal department- Women & Child Development bakah PWD hotuten an tawiawm a ni.
Working Women Hostel hi SASCI 2024- 2025 sum Rs. 892,12,045.00 senga sak a ni a, a sak hna thawktu hi Khiangte Construction & Consultancy Services niin, 2026 May 15-a zawh hman tum a ni.
Thenzawl-a Women Hostel sak mekah tihthat ngai hmu
