Chief minister Lalduhoma chuan Thawhtanni khan UD&PA hotute kawmin Thenzawl Peace City master plan siamtu tur zawn meka an thlen chin a sawipui a. Commissioner & secretary to CM Vanlaldina Fanai chuan a tawiawm.
UD&PA secretary Lalmalsawma Pachuau sawi danin, kumin July 22 khan master plan siamtu tur zawnna hmahruai, ‘request for proposal for selection of consultant’ an tichhuak a, company lian tak tak 18-in an rawn ngaihven. Pre bid queries rawn nei zingah hian khawvel huapa company thate pawh an tel a ni.
Ruahman anga thil a kal chuan, kumin September tir hian a thawktu tur thlan fel hman tum a ni a, October atangin hna an tan anga, sawrkar kum kal mek chhungin master plan pawimawh zual peihfel hman tum a ni.
Tarlan tawh angin, mipui nuai 10 vel chen theihna tur khawpui changkang (modern sustainable, inclusive & planned city) – Thenzawl Peace City din tumin sawrkar chuan hma a la a. Sawrkar laipui Ministry of Housing & Urban Affaira chuan master plan siamna atan cheng vaibelchhe 10 a rawn pe tawh a ni.
Thenzawl Peace City master plan siam duh coimpany 18
