AH & Vety Farm Complex Thenzawl chu Ningani khan AH & Vety minister C Lalsawivunga’n a tlawh a, a hmunhma leh hmalakna a endik.
AH & Vety Farm Thenzawl Complex-ah hian sial chi tha, varak leh ar bakah kel leh Zo vawk vulhna hmun siam a ni a, ran chaw tur chin pun tum a ni bawk. Heng hmun tihchangtlunna tur hi minister hian a en a ni.
Ran chaw atan vaimim leh bekang thar tam a tul tih sawiin, department ram chhunga inkalpawhna tha zawk neih a pawimawh thu leh Thenzawl Vety Farm Complex-ah hma lak zel tur a tam avangin a ram chhung humhalh that a ngai tih a sawi a ni.
Minister hian College of Vety Science, CAU Selesih leh Chhingchhipa bawng vulhtute hnena bawng chaw (fodder) thawn tur bailing machine-in a pack chu a enpui nghal a. Bawng vulh tamna khuaten an mamawh tawk bawng chaw an hmuh theih nan Thenzawl hmuna bawng chaw tur tharchhuah chu man man zawka pek chhuah thin a ni tih sawi a ni.
Thenzawl farm-a fodder plantation huamchin hi hectare 40 niin, India hmarchhakah hetiang atana hmun siamah a lian ber a ni.
Thenzawl Vety Complex endik
