Surat a lunghlu lama sumdawng pakhat chuan a themthiamna te lantir nen Ram Temple lem ang deuhin Thi a siam a, he Thi siam nan hian American diamond 5,000 chuang a hmang a, a Thi siam chu Ayodhya a Ram Temple-ah thilpek angin a hlan dawn a, Sri Janmabhoomi Tirath Kshetra Trust chuan January ni 22-a ‘Ram Lalla’ enthronement ceremony neih turah Thi inhlanna hun hi Ram Temple a neih turin an ruahman nghal a ni.
Ayodhya hi Hindu sakhaw hmun pawimawh niin, Lord Rama pianna hmun niin an ngai a, sakhaw lam thil bakah history leh culture-ah pawimawhna tam tak a nei.
|hi siamtu Rajesh Jewels-a an hotupa Kaushik Kakadiya chuan, “American diamond 5,000 chuang hman a ni a, silver kg 2 a rit hmanga siam a ni. Ayodhya-a Ram Temple sak thar hi kan entawn a ni. He Thi hi hralh sum atana tih a ni lo. Ram Temple-ah kan pe ang. Ram Temple tana thilpek eng emaw tak tih ve duhna thinlungpu chunga kan siam a ni. He Thi-ah hian Ramayana-a character pawimawh te tarlan a ni,” a ti.
Thi siam nan lunghlu 5000 chuang hmang
