Kum zabi 18-na lai vel ami tawh, lunghlu 500 hmanga cheimawi thi, a chei nana an hman lunghlu thenkhat phei chu French lalnu Marie Antoinette lu an tan phahna nena inzawmna nei ni ten an sawi nghe nghe. He thi hi lilam lam timi Sotheby’s chuan November thlaah an lilam dawn niin an tarlang. He thi hi 1937-a King George VI leh 1953-a Queen Elizabeth te coronation-ah pawh an awrh nia sawi te pawh a awm.
He thi hi Asian private collector-in lilam tura a pek niin, Geneva-ah November ni 11-ah an lilam dawn a, online bidding chu Sotheby’s website-ah October ni 25 atangin an kalpui thung ang.
He thi hi tun kum 50 chhunga a vawi khat nan mipui hmuh theih turin an pho chhuak dawn a, a man hi dollar maktaduai 1.8 atanga maktduai 2.8 vel ni thei turin an chhut.
He thiin ngaihven a hlawh riauna chhan pakhat chu French Revolution bul tanna, Marie Antionette-i’n a thih phah tak hialna ‘Affair of the Diamond Necklace’ nena inzawmna nei niin an sawi. Marie Antionette hi October ni 16, 1793 khan a lu tan a ni a, mahse, an puhna chhan ber thi inbumnaah hian a fihlim leh si a ni.
Thi thami lilam dawn
