Thuneituten building him lo an tih leh thiat tura a neitute thu an lo pek tawh chu September 1 khan a chim a, in him lo sa a nih avangin an insaseng tawh a, mihring thi leh hliam an awm lo.
Vaivakawn Zohnuaia Sangthanmawia building, chhawng 7-a sang chu a him tawk loa hria in District Disaster Management Authority (DDMA) Aizawl chuan kumin August 29 khan thiat turin thu a lo pe tawh a. Vaivakawn khawtlang hruaitute sawi danin, he building awmna chhehvel hi kum 2017 vel atanga che tan tawh niin, tum engemawzat khawtlang leh sawrkara thuneitute pawhin an endik tawh a. Kum 2022 atang khan lei che hi zual tanin, kumin August khan a che zual nasa a, a hmuna enfiah a nih hnu ah Sangthanmawia building bik him loh dan hi an lo report tawh a ni.
DDMA Aizawl chairman, bawrhsap Er. Lalhriatpuia chuan August 29 khan khawtlang him zawk nan thiat turin a hriattir a. Thiah a nih hma in Pathianni chawhnu dar 2.00 vel khan a chim ta a ni.
He building hi kawng an leh a chung chiah sak pum niin, a chung lamah sak pum lohin chhawng hnih a awm a, a chhawng 4-na sak pum leh niin, chhawng 6 leh 7-na sak pum a ni bawk. Lei che sa reng a nih avang hian heng in luahtute hi an inthiar fihlim sa tawh nia thu dawn a ni.
In chim avang hian a thlang kawng ana Govt. Zohnuai Primary School pawh thiah tura thupek chhuah a ni a. School thlang lam leh a bulhnaia chhungkaw 10 vel chu hmun him zawka insaseng tura tih an ni bawk.
Chhiatna hriat a nih veleh DDMA Aizawl chairman, bawrhsap Er Lalhriatpuia chuan department hrang hranga
Thiah tura tih mek building a chim
