Dr Keihawla Sailo
“Tlawmna Nun, Misualte Hnen Thleng Phak Chanchin |ha” vahvaihpui thintu Pu K. Lalhmingliana kha ‘Thiam Thu reng reng sawi ve lotu’ a ni. Kei erawh chuan Thiam Thu ka’n sawi leh phawng phawng mai dawn a nih hi! Lalpa’n min hrethiam em ang chu.
Chhuak hmasaa ka ziak ang khan, Mizoram Sorkar hnathawktute hlawh a tam uchuak bik hle niin zu hmu tlat ia mawle! Peon atanga Superintendent thleng hian Central Sorkar ai pawhin a sang bik a, Under Secretary atang erawh kan hniam fe zawk chho ta vek a.
Chhiartute’n hria se ka duh ber chu, hetianga kan hlawh bi lo sang ta lutuk that lohzia leh a chhan ka sawite hre ve lo, Revenue Department-a Surveyor Branch lama Officer pakhatin, “Nang hi, nangmah vangin Surveyor ho hi kan hlawh a hniam phah”, min ti kha a ni. Pu K. Hminga kha chuan chutiang zawnga inpuhna chu a chhang let ngai lo, “Lalpa’n eng thusawina atan nge a hman? Lalpa aw I lo ngaichang ang u”, a ti mai thin.
Kei erawh chuan ka pai tawih thei chiah lo deuh zawng a ni e. Falkland venga ka nungchate Paradis, “Lalpa tlang thianghlim lo ni se”, tih hi Sekawtrawlh chungah ka tar kuau a. Village Council-in Upa Ropuia te nen Biak In hmun min dil pawh ka lo hnial a”, Biak In a awm chuan, Nungchate Paradis hi a rem vek ang. He huan pumpui hi Lalpa tlang thianghlim a lo nih chuan, chu ngei chu Bethel, Lalpa Biak In a ni mai dawn alawm!”, tiin ka chhang hmiah mai a, sawi sei zui ngaihna pawh an hre zui lo. Tunah hian he huan min hlutpuitu an tam viau laiin, min suasamsaktu pawh tlem a zawng chu an awm ve tho.
Keimah avanga Revenue Surveyor Branch-a Officer pa thil hriat sual buru tak mai avangin, ka ram hi an teh dik tha duh lo nge ngam lo? Kei chuan ka hre lo. “ Kawr leh kawr inkar ramri” tih te hi an teh dik duh lo nge thiam lo? Chuvangin Director hnenah ngei pawh, “Ka ram teh dik tur hi chuan Surveyor bakah Civil Service Officer pakhat tal a tel a ngai”, tiin rawtna ka siam a ni. Tiang chuan a ni, kan Sorkar hnathawktute hlawh hi a sang lutuk tawh a. Doctor-te ngei pawh hian Non-Practising Allowance la chung reng siin, Private-a inentirna an la nei deuh fur lo maw? Ka Pension-na hi kum 22 lai a ni tawh a, ka hriatna te hi a thing lutuk a nih chuan mi zawng zawng ngaihdam ka dil a ni.
Thlarau mit atanga en chuan, “Sorkarna chelhtu apiang hian an lal chhunga an mi duhsakte Sorkar hnaa thun luh duh avangin, hna tau an teh tir zel- tul uk lovah pawh”, ti ta ila chunglam khian engtin tak lo ngai ang maw?.
Mi mawl chhutin han chhut ta ila; Sawrkar hnathawk zawng zawng te hi,” In hlawh Rs 10,000/- theuhin kan titlem dawn. A rem ti lo ho chu bang phiar mai rawh u”, ti ta ila, bang duh chu pakhat mah an awm zu ring miah lo ia maw le!!!
High School Headmaster-a ka tan ve lai chuan Class VII leh Class VIII chauh awmnaah zirtirtu 3 kan awm a. Tunah chuan chutiang Sikula thawk mek, naupang 50 vel lek nei si, zirtirtu 7 lai awmna te pawh zu tama maw le!!
Lo tawk tawh mai se, Youtube- B Kholhring- Chingpirinu lo en teh u.