Thil tangkai vinegar
Vinegar hman tangkai theihna a lo tam zia i hriat chuan mak i ti zawk hial mai thei. Vinegar hi chawhmeh vela telh tur chauh emaw i tih chuan heng hi i lo chhinchhiah dawn nia. Times of India health section-in vinegar tangkai theihna chi hrang hrang an ziah te kan rawn tarlang e.
1. Vinegar leh tui chawhpawlh hi conditioner tha tak a ni. Vinegar thirfiante khat leh tui nopui khat chawhpawlh la, chu chuan i sam chiah rawh. Minute thum vel i chiah hnuah tui lumin i su fai leh dawn nia. Hei hian sam a tinem duh hle.
2. Khuai zuk leh rannung dang seh tih velah pawh vinegar hi nachhawkna tha tak a ni. A sehna hmuamhmaah vinegar tat mai ang che. Sunburn-ah pawh vinegar hnawih a tha hle.
3. Apple cidar vinegar thirfiante khat leh tui no khat chawhpawlh in hian chawpai tawih a tinuamin kua a dam.
4. I irhfiak nasa thin em? Vinegar far tlem in la, a reh phah thei.
5. Lu na satliahah chuan vinegar thirfiante khat leh khawizu tui lum no khatah chawhpawlhin in la, lu na a chhawk thei.
6. Apple cidar vinegar hian thisena cholesterol level a tihniam thei a, lung (heart) lam natna risk a tihniam thei. Vinegar-ah hian pectin a awm a, chu chuan kan taksa atangin cholesterol tha lo a paihchhuak thei a, chu chu taksa hrisel nan a tha hle. Vinegar hian blood sugar level pawh a control thei.
Thil tangkai vinegar
