ngin Mizoram chhim tawp Khaikhy thleng ke ngat a lo kal chhuak tawh tu Vanlallawmzuala Varte s/o V.L. Chhuanawma, Mission Veng, chuan Thirsakawr hmang ngatin India ram pum a fang chhuak leh dâwn.
He All India Cycling Tour hi ‘Ride To Clean Air’ thupuia hmangin Mizoram Pollution Control Board (MPCB) chuan ‘Clean & Green Sustainable Lifestyle Under Mission Life’ hnuaiah an Sponsor a. Nimin chawhma dar 10:30 khân MINECO atangin MPCB Chairman Liankima Lailung (IFS Rtd.) chuan a vai liam.
Vanlallawmzuala Varte hian Tripura khawpui Agartala a pan hmasa ber ang a, heta tang hian India ram State khawpui hrang hrang a fang dawn a. Tluang taka a tlan thei a nih chuan km 16,396 vêl a tlân a ngai dawn a, thla ruk bawr vel a hman beisei a ni a. Nikum a Lailapur Assam atanga Mizoram chhim tawp Khaikhy thleng ke ngata a lo kal chhuah khan km 623 chu ni 18 leh darkar 13 chhungin a thleng hman a ni.
He Flag Off programme hi MYC Chairman Malsawmzuala Ralte chuan hmanpuiin MYC hmingin duhsakna thilpêk a hlân nghal a. Mizoram Pollution Control Board-a thawkte bâkah YMA Mission Veng Branch, Mission Veng Local Council, Mission Veng Adventure Club, Mizoram Cycling Association atangte in an tel bawk.
Thirsakawr hmangin India ram pum fang chhuak dawn
