Thisen hi a pawimawh hle a, taksa peng hrang hrangah oxygen, nutrient leh hormone te a sem kual a, a hnathawh hi a pawimawh em avangin thisen chu a pawlh buaitu a awm loh nan leh tha taka hna a thawh theih nan thianghlim taka a awm a tul thin. Kal (kidney) leh thin te hi thisen tihthianghlim kawnga hnathawktu ber an ni. Tun tumah hian Times of India health section-in thisen tihthianghlim nana chaw tha ni a an sawi te kan rawn tarlang e.
1. Ser tui: Sertui hian thisen leh digestive tract a tifai thei. Sertui hi a nih phungah acidic a ni a, pH level a siam tha thei a, chu chu thisen atanga blawhhlawh tihfai nan a pawimawh hle. Virus tam zawk hi alkaline awmnaah an damkhawchhuak hleithei lo. Sertui sawr thar tuktin in thin la, chu chuan i thisen a tifai thei dawn a ni. Ser pum chanvel vel tui sawr la, chu chu tui lum nen chawhpawlhin tukthuan ei hmaa in tur a ni.
2. Apple cider vinegar leh baking soda: Heng thil pahnih cinpawlh hian taksa a pH level balance a siamtha thei. Thisen leh body tissue a tihfai kawngah an thawk hlawk hle a, thisen atangin uric acid paihchhuaktu tha tak a ni bawk. Apple cider vinegar chaw einaa hman chi thirfian hnih leh baking soda thirfiante chanve chawhpawlh la, rei vak lo dah la, a phuan te a reh hnuah tui pawlh leh la, i in nghal dawn nia. Apple cider vinegar nena chawhpawlh hnuah baking soda hi a in nutralize a, mahse, BP sang nei tan chuan doctor rawn hmasak a tha.
3. Chawhmeh chi hrang hranga an pawlh thin basil hian anti-bacterial leh anti-inflammatory properties a nei a, thisen, thin leh kal atanga bawlhhlawh tihfai nan a tha hle. He hnim hian taksa thil tha lo amw te chu zun hmangin a paihchhuak thin. Basil hnah paruk pasarih vel nuai sawm la, chu chu i chawhmeh siamah khan pawlh mai tur a ni. Hei bakah hian basil hnaih pariat vel tui so a chiah a, a tui in pawh a tha hle.
4 Aieng: Aieng hi taksa tana damdawi tha tak a ni, he spice hian thisen a tifai thei a, tihdam theihna (healing properties) a nei bawk. Aiengah hian compound chikhar curcumin a awm a, chu chuan inflammation a tiziaawm thei a, hei bakah hian taksa a natna chi hrang hrang awm tan damdaiw tha tak a ni. Aieng hi thisen siamtu tha tak a ni bawk. Aieng dip thirfiante chanve leh bawnghnute lum no khat chawhpawlhin in rawh. Hei hian thin (liver) hnathawh a pui thei.
5 Tui: Tui in tam rawh. Tui hi natural detoxifying agent a ni a, tui kan in tam leh kan thisen a fai tha a ni mai. Tui hian kan taksa peng hrang hranga thil tha lo awm te taksa atangin zun hmangin a paihchhuak thin a, taksa peng hrang hrangah mineral leh vitamin a sem kual bawk.
6 Broccoli: Vitamin C, omega-3 fatty acids, calcium, potassium, phosphorus leh manganese a pai hnem a, chu chu thisen atanga thil tha lo paihchhuaktu tha tak an ni.
7. Bulbawk: Antioxidant chikhat betalains leh nitrate a awm a, hei vang hian bulbawk hi thisen tihthianghlimna tha tak a ni.
8. Blueberries: He thei hi thisen tih thianghlim nana chaw tha ber an ti hial a ni. Thin cancer risk a tihniam thei bawk.
Thisen tihfai nana chaw \ha
