Kum kal mekah Mizoram sawrkar chuan chhiah chi hrang hrang atangin cheng vaibelchhe 560 chuang a hmu tawh a. A thla mal ang chuan August kha chhiah a hmuh tlem ber a la ni.
Sawrkar kum kal mekah April thla kha sawrkarin chhiah a hmuh that ber tum a ni a. A bikin Goods & Services Tax ah chuan a hmuh that ber la ni rihin, cheng vaibelchhe 106 a tling. Hemi hnu lamah GST-ah hian vbch. 100 hmuh tlin a la nei leh rih loa, August ah phei chuan a hmuh hniam ber tum tawngin vbch. 63 a hmu a ni. August hi GST a luh chhiat bakah chhiah dang pawh a luh tam chuan loh tum niin, thla 5 chhunga sawrkarin chhiah a hmuh tlem ber tum a ni.
Taxation department chhinchhiah chinah thla liam chiah September a la tel hman loa, April atanga August chhung hian GST-ah Rs. 393,97,83,681 hmuh a ni tawh a; road maintenance cess-ah Rs. 23,49,65,447; social infrastructure & services cess Rs. 3,49, 65,447; profession tax Rs. 7,99,75,833; sales tax-ah Rs. 119,84,81,802 hmuh ni tawhin, entertainment tax-ah Rs. 30000 an hmu tawh a, hemi bik hi April, July leh August ah Rs. 10000 theuh hmuh a ni.
Heti hian tun thla 5 chhung hian Mizoram sawrkar chuan chhiah chi hrang hrang atangin Rs. 568,82,02,210 a hmu tawh a ni.
Thla 5 chhungin sawrkarah chhiah vbch.560+ a lut tawh
