mek a, hemi chhung Excise & Narcotics Department bik chauhin rakzu litre sing 4 vel an man tawh a, a senchi um 12000 chuang an man tawh a, heroin kg.34 chuang bakah ruihna atana hman damdawi chi dang engemawzat an man tawh bawk.
Excise & Narcotics Department-in July 11 thlenga a chhinchhiah chinah rakzu litre 39135.286 an man tawh a; zu bilh lai tin 73204 an tichhe tawh. India rama siam a senchi (IMFL) um puitling (750 ml) 12050, litre khat bur 22 bakah a chanve (375 ml) um 2002 leh a quarter um (180 ml) 1195 an man tawh a; beer (um leh can), ramdang siam a senchi leh Burma zu – BEDC litre engemawzat an man a ni.
Hemi chhung vek hian heroin kg. 34.083, methamphetamine kg 79.308, crystal meth kg. 48.061 leh ruihna atana hman damdawi mum leh tui engemawzat an man. Meth’ siamna atan hman pseudo-ephedrin pawh kg 7.042 man ani.
Heng ruihtheih thil tawlhna atana hman lirthei 91 man a ni a; zuar leh a tawlhnaa inhnamhnawih mi 3906 man an ni bawk.
Thudawn danin, methamphetamine /crystal meth lam hi Mizoram chhungah chuan a ngawl vei an la awm lem lo nia hriat a ni a, chutih rualin tichhin ve tawh an awm nual a, Mizoram chu hmundanga thawnchhuahna atan a kalkawng a la ni rih ber nia sawi a ni.
Thla 6 chhungin rakzu litre 39000+a senchi um 12000+, heroin kg.34+
