Thla 9 chhungin HIV kai
hmuh thar 3354 an awm
2025 April leh December inkar khan Mizoramah HIV kai hmuh thar 3354 an awm.
Mizoram State AIDS Control Society hotute sawi danin, HIV kai hmuh thar 3354 zinga 3171 hi kai theihna chance nei sang bik (high risk group), mahni taksa zuar emaw ruihhloa inchiu thin angte ni lo, mi nawlpui (general) zing ami an ni a. Mipa 2191 leh hmeichhia 980 an ni. Nu naupai lai HIV kai hmuhchhuah thar 183 an awm bawk.
Kum 2025 khan HIV kai thar zinga zaa 65.32 chu mipa an ni a, naupai lai hmuhchhuah tiamin hmeichhia zaa 34.68 a ni. Hemi chhunga HIV kai zinga zaa 70.61 chu inpawlna atanga kai an ni a, hetah hian anpui kawp an tel. Zaa 26.87 chu ruihhlo ti thin inchiuna hriau inhman tawm atanga kai niin, zaa 1.77 chu naute in a nu hnen atanga a kai an ni.
HIV hri kai hi a kum bithliaha thliar hran thin an ni a. Kum 15 atanga 49 inkar zaa 88.71 an ni. Hemi kum zingah hian kum 25-34 inkar tam berin mi 1193 an ni a, kum 35-49 inkarin dawtin 976; kum 15-24 inkar 644 an ni. Kum 14 leh a hnuai lam HIV kai 59 an awm a, kum 50 chunglam kai 299 an awm bawk.
1990 October-a Mizorama HIV kai hmuhchhuah a nih atanga 2025 December inkar chhunga HIV kai hmuhchhuah tawh hi an vaiin 33878 an ni.
2025 December thleng khan HIV kaite damdawi ei – Antiretroviral Therapy hmanga inenkawl 18224 an awm.
Thla 9 chhungin HIV kai hmuh thar 3354 an awm
