Ruihhlovin Mizoram a tibuai a, ruihhlo vanga man pawh an tam. Kuminah thla kaw chhungin Mizoram Excise & Narcotics (ME) department-in ruihhlo vangin mi 565 an man.
September ni 30 thleng khan ruihhlo vangin mipa 370 leh hmeichhia 195 an man a, a tam ber chu heroin vanga man an ni.
Heroin, opium, ganja, methamphetamine, nitrazepam, alprazolam, khuh damdawi, tramadol, crystal meth, buprenorphine leh ganja kung te an man a, case tam berna chu heroin niin, heroin vanga man pawh an tam ber.
Heroin hi thla kaw chhungin kg 19.468 an man a, case 319 ziah luh niin, heroin vang hian mipa 269 leh hmeichhia 162 an man.
Ganja-in a dawt a, thla kaw chhunga an man zat chu kg 136.206 niin, case 49 an ziak lut a, mipa 44 leh hmeichhia pasarih an man.
Ruihhlo vanga man zat
Ruihhlo Man zat Mihring
Heroin Kg 19.468 431
Opium Kg 6.870 1
Ganja Kg 136.206 51
Methamphetamine Kg 78.243 22
Nitrazepam Kg 1.537 4
Alprazolam Kg 3.605 15
Khuh damdawi Kg 919.600 37
Tramadol Kg 3.861 2
Crystal Meth Kg 0.649 2
Buphrenorphine Kg 0.002 –
Ganja Plant Kung 2000 –
Thla kaw chhungin ruihhlo vangin 565 man
