Kumin kum chanve, thla ruk chhung khan Excise & Narcotics Department chuan tualchhunga hralh thinna anga chhutin heroin leh ruihhlo dang cheng nuai 1000 chuang hu an man a, zu pawh cheng nuai 600 chuang hu an man.
Excise & Narcotics official-te chuan an minister Er. Lalrinawma hoin, kum chanve chhunga department hmalakna leh hnathawh an thlirlet a. January atanga June inkar khan zu leh a kaihhnawh hrang hrang Rs. 6,48 72,116 hu leh ruihhlo Rs 10,37,02,726 hu an man. Heng thila inhnamhnawih, dan bawhchhiate man chhuahnaah hian department hnathawkte bakah Central YMA hnuaia CADS, Mizoram Police, para military force – Assam Rifles, Border Security Force leh SIB (Subsidiary Intelligence Bureau) bakah tlawmngai pawl hrang hrangten tha takin an thawhpui tih sawi niin, Excise & Narcotics minister chuan lawmthu a sawi a, hun lokal zel turah pawh Mizoram chu ruihhlo awm lohna rama siam tuma hma lakpui turin a sawm.
Thutkhawmah hian district pathum – Hnahthial, Saitual leh Khawzawla district office hawn belh chungchang, Sub-Inspector of Excise & Narcotics lak belh chungchang leh department mamawh hrang hrang neih belh dan tur ngaihtuahho a ni.
Thla ruk chhungin ruihhlo nuai 1000 chuang hu man
