Mizoram Agricultural Marketing Board (MAMB), International Fund for Agricultural Development (IFAD) leh Mission Organic Mizoram (MOM) tangho buatsaih ‘Private sector round table on Mizo Ginger cum Buyer Seller Meet 2026’ chu Ningani khan Aizawlah neih a ni.India ram hmun hrang hrang atangin investors leh buyers lian – NAB Venture, IRMA Iseed, Acumen, ABC Fruits, Rupiya app, Apple leh NSRCEL sawm luh an ni a. An ni hian Mizoram sawrkar nena kan thlai thar leh processed food lei leh hralh kawnga thawhho theih dan rawtna an thlen a. Mizorama entrepreneur – Zozik, Bio Farm, C Breeze, Tuibawn leh Lawm from the Hills nen thawhho theih dan tur sawi a ni.
B2B session hman niin, dawhkan khat kilin buyer leh seller an inkawm a. Thawhhona thuthlung – Ropuiliani Farmers Producers Company leh Kisaansay inkarah leh, IRMA Iseed leh Mizoram Startup Mission inkarah ziah a ni.
Hmanpuitu Horticulture minister C Lalsawivunga chuan, Mizorama kan thlai thar chu chemical tel lo (organic) an nih avangin, a quality a thain an hrisel bik tih a sawi a. NiTi Aayog-in Mizoram chu ‘Ginger Capital of India’ ah a, Mizoram sawhthing quality a tha-in a rim a tui bik vang a ni, tiin a sawi.
Agriculture & Farmers Welfare secretary Ramdinliani chuan GI Tag nei Mizoram sawhthing chu state dangte angin tharchhuak tam lo mah ila, a quality a tha zawk tih a sawi.
Thlai thar lei leh hralhah thawhdun dan tur dap tan
