Thlai thar market ruahmanna sawiho
Mizoram Agricultural Marketing Board (MAMB) buatsaihin Bana Kaih bawhzuinaa thlen chin inhrilhchian pahin thlai thar market chungchangah Nilaini khan Aizawlah inrawnkhawm a ni.
Hmanpuitu chief minister Lalduhoma chuan MAMB-in thlai thar thlanchhuah pali lei dan tur ruahmanna kimchang tak an siam avangin lawmthu a hrilh a. A hlawhtlin theihnana thil tul chu chak takin an umzui zel dawn tih a sawi. Bana Kaih hmalak chhoh dan thil dang a sawi bawk.
Agriculture minister PC Vanlalruata’n thuhma a sawi hnuah adviser to CM (Handholding) Dr KC Lalmalsawmzauva’n thlai thar market kalpui dan tur an ruahmanna a sawifiah a, sawiho zui a ni.
Mizoram sawrkar chuan Standard Operating Procedure for Societies in the sale of notified crops notification, District Agricultural Marketing Committee (DAMC) dinna notification leh Secondary Collection Centre SOP notification chu kumin October 28 khan a tichhuak a. District Committee nena zirho vek tawh a ni. DAMC hian an district-a khaw tinah hriat tur tul an hrilhfiah ve leh anga, thlai thar market kaihhruaina bu pawh tihchhuah tawh a ni.
Thlai thar market ruahmanna sawiho
