Thlai thlan bik hralh dan tur rel
District Agricultural Marketing Committee Saitual chu an chairman, district bawrhsap Dr. Lalngura Tlau kaihhruaiin Ningani khan a vawi khatna atan an thukhawm.
Chairman chuan state sawrkarin thlai thar pali – sawhthing, aieng, Mizo hmarcha leh hmunphiaha market kalpui a tum dan a sawifiah a. Hmalakna tur hrang hrang sawiin, thlai thar rate hresaa loneituten hma an laka sawrkarin support price a pek theih chuan dinhmun sang leh tha zawkah an inhlangkai thei anga, mitinin an chhawr thei dawn tih a sawi a ni.
Thutkhawmah hian thlai thar hralh dan turah Saitual district khaw 44 atangin kuthnathawktu intelkhawm – FPOs/ FPCss/ SHGs rin zui theih tur thlirho niin, chu’ng zingah chuan sawrkar flagship – Bana Kaih policy hnuaia District Horticulture Office-in village wise multi-purpose farming/ cooperative societies din tawh 44 a rawtna chu pawm a ni.
Heng bakah hian Secondary Collection Centre atana district chhunga warehouse, kudam leh market shed awmsa rin nise, tih a ni a; chu’ng zingah chuan Khanpui (metric ton 210 leng), Mualpheng (MT 210), Keifang (MT 210), Saitual (F&CS kudam MT 300), Hliappui (MOVDC hnuai ami MT 210) leng chu rin zui tura tih a ni. Thlai thar hralh sen loh tihralna – processing unit din dan tur sawi a ni bawk a, chumi atana hmunhma ngaihtuah leh society pawm tawh 44 chairman leh secretary-te training neihpui dan tur pawh sawi a ni.
Thlai thlan bik hralh dan tur rel
