Thlawhna ek inah darkar khat chuang tang
India-a thlawhnaa chuang pakhat chu an thlawh laiin darkar khat chuang zet thlawhnaa inthiarna kawngka kalhna a chian loh avangin a tang.
SpiceJet thlawhna, Mumbai atanga Bengaluru khawpui pan niin dan pangngaiah minute 105 thlawh tur a ni a, hun tam zawk chu inthiarna pindanah a tang a ni. SpiceJet chuan ngaihdam dilna an tichhuak nghal a, ‘passenger tana harsatna an thlen’ chu pawi an tih thu an sawi.
Thlawh chhung zawngin kan crew-ten passenger hi an buaipui a. An thlen hnuah engineer-in a hawng ta chauh va, damdawi thiamte pawhin an buaipui nghal bawk a ni,” tiin SpiceJet thupuangtu chuan reporter te a hrilh a, airline hian a chuan man pawh an kir dawn tih an sawi bawk.
Airline hian passenger chungchang hi engmah an sawi thui duh lo va; mahse, chanchinbu pakhat chuan ‘mak a ti hle’ tih chu an tar lang. “Mumbai atangin Bengaluru thleng inthiarnaah a tang a, pindan chep takah a awm char char a ni,” tiin Bengaluru airport-ah thuneitu pakhat chuan a sawi.
A tang tih a sawi lo hretu thawktu pakhat chuan kawngka hi hawnsak tumin a bei nasa hle bawk tih a sawi a, airhostess-in a hnuah lehkha rawlh lutin chiai lo turin a hrilh bawk tih a sawi.
“Ka pu, hawn tumin kan theihtawp kan chhuah a. Chiai lo la, reilo teah kan thleng tawh dawn a, commode kha tieng la, thu mai rawh. Kawngkapui ber hawn theih hunah engineer-in a lo hawng dawn a ni,” tiin a ziak a ni.
Thlawhna ek inah darkar khat chuang tang
