Thuawilo report
turin VC chah
Kangmei chhuak thei ven kawnga mipui zawm tur leh lo hal turten an hriat tur an tihchhuah, zawm lo leh a hun loa lo hal chu report turin Serchhip district bawrhsap chuan an huamchhunga village council ho a hriattir.
Bawrhsap thuchhuak chuan, khua a lo thal leh ta a, kangmei laka mipui an fimkhur tlan theuhna turin mipui ngenna leh hriattirna a tichhuak tih a sawi.
Kangmei chhuah thulhah kangthelhna hmanrua nena inralrin lawk chu kan himna a nih avangin kangthelhna hmanrua neih theuh tum turin mipui a chah a. Sawrkarin lo hal hun chung atana a ruat March 15 ralhma hal a, lo hal tur ten mei kawng tha tak sial ngei turin a chah a ni.
Hei hi VC-ten lo bengkhawn a, thuawihlo /a hun loa hal chu report-in, dan hnuaia hremna chelek turin a ti.
In chhuahsan leh zan mut hmain kangmei tichhuak mai thei thil a awm leh awm loh enfiah hmasa turin, eirawngbawlna gas fimkhur taka hmang a, a leak a nih chuan hmang lui lo tur leh, gas hman loh laiin regulator-a off thinin a him lehzual tih a sawi.
Parda, thosilen leh puanzar bulhnaiah mombati leh bati ang chi reng reng chhi lo tur leh, kangmei tichhuak thei petrol, khawnvartui leh diesel fimkhur taka hmang a, mei bulhnaia dah lo tur leh a dahna chhin phui tha turin a chah
Mei nung reng reng ngaihthah lo a, meizial bung, a bikin ram kalnaah paih fimkhur a, a nung chungin paih lo turin a chah a. Meichhemna hmanrua – nawalh leh lighter naupang khawih phakah dah loa; in leh a velah kangmei tichhuak thei an awm leh awm loh enfel thin turin a chah bawk.
Thuawilo report turin VC chah
