State Election Commission (SEC) Mizoram chuan village councils inthlanpui neih tura thil pawi thei, VC candidate qualification chungchangah social media-ah thudiklo vawrh darh niin a hria a. Hei hi a ngai thutak hle a, January 20 khan district 9 – Aizawl, Lunglei, Serchip,Champhai, Mamit, Kolasib, Saitual, Khawzawl leh Hnahthial superindentent of police-te hnenah hma la a, thudiklo vawrh darhtu chhuichhuak turin a hriattir.
SEC tarlan danin, “Village council term chu February 19-ah a tawp tawh dawn a, khawtina VC ding, tu candidate-te pawh an inpuahchah nasa khawp ang le. Amaherawh chu mipuiin kan hriat ve hrim hrim atan tarlang lawk ila.. BPL&AAY dawng bik ho sawrkarin mirethei a chhiar tel chhungkuate chu VC-ah an ding thei dawn lo tih hriat a tha ang, ding an awm a nih chuan complain a awm palh a nih chuan Election Commission-in an cancel sak thei ang,” tiin social media platform hrang hrangah vawrh darh a ni tih a sawi.
SEC chuan VC inthlana ‘qualification of candidates’ chungchanga dan dinglai – “Lushai Hills District (Village Councils) Act 1953 siamthatna leh Mizoram (Election to Village Councils) Rules 2014-in VC candidate ni thei a tih zawng zawng tan chuh theih a ni tih a sawi a. A chunga thudiklo ang khi tarlan a awm lo tih a sawi.
Thudiklo thehdarhtu zawng turin SEC-in SP-te a hriattir
