Thutiama rinawm lo sawrkar
– AAP
Sawrkar mekin mipui hmaa thu an tiam anga awm loin duhsak bik an nei leh si tih AAP Mizoram Thalai chuan an sawi.
AAP Mizoram Youth Wing thuchhuak chuan, kan sawrkar hrawn mekin mipui hmaah chhung leh khat mahni mi leh sa leh midang tute pawh duhsak bikna lakah inthiarfihlim tura thu tiamin, an sawi rual dual dual a. Thu an tiamna anga an awm loin duhsak bik an nei leh si tih sawiin, ‘Anmahni thutiam pawh hlen zo loin ram min hruai hi mak kan ti hle a. Bang ngam se kan ti hle,’ a ti.
‘An duhsak bikte hi an tling emaw tling lo emaw hetianga induhsakna bik laka fihlim min tiamtuten, min phatsan leh hma lutuk hi pawi kan ti a. Mizoram hmangaih vang ai mahin, lal ve hrim hrim chak an ang tulh tulh niin kan ngai,’ a ti bawk.
Hetiang thil thleng thin chu AAP Mizoram chuan an ti ve dawn lo mai niloin, a huatin an haw ngawih ngawih a, Kristian rama awm atan pawh an duhlo hle tih a sawi a ni.
Thutiama rinawm lo sawrkar – AAP
