K-pop group Stray Kids hian nikum atang khan rimawi khawvelah huhang an nei lian tawh hle a, TIME magazine pawhin Next Generation Leaders list an tihchhuah tharah an hming a chuang ta vang mai.
“kan tum ber chu rimawi thar tana kawng sial a, kan rimawi te miten an lo hriat a ‘Stray Kids’ genre an tih theih hi a ni,” tiin Changbin chuan TIME inkawmaah an sawi.
He chanchin lawmawm hi tunhnaia an band member pathum- Lee Know, Hyunjin leh Seungmin te car-a an chetsual hnu lawk a ni bawka, band tan pawh a lawmawm khawp ang. Heng Stray Kids member pathum te hi car insu-ah an tel a, damdawi in panpui niin, hliam na lutuk an nei lo va, damdawi ina awm ngai loin an chhuak lehnghal vek a ni.
An band hian June thla khan an album 5-STAR an tlangzarh a, Billboard 200 (albums) chart No.1-ah a debut a, he chart-a an album No.1 kai thei pathumna niin, an album dang MAXIDENT leh ODDINARY te chu 2022 khan chart No.1 an lo kaipui tawh bawk a ni.
TIME Next Generation Leaders list-ah Stray Kids an lang
