Tlawng lui humhalh tumnaah a
bulhnai YMA-te nen sawikhawm
Aizawl chawmtu tui lakna Tlawng lui humhalh leh plastic sawngbawl kawnga hriat tur inhrihilin Ningani khan Central YMA leh PHE Department tangdun chuan Tlawng lui kama ram nei khua/veng YMA Branch hruaitute a kawm.
Central YMA president Lalhmachhuana chuan mihringin dam khawchhuahna atana kan mamawh em em tui kan humhalhna kawngah PHE Department nen thawhdunna tha tak an nei chu lawmawm a tih thu sawiin, tui hna humhalh leh tihpun a pawimawh a, hemi kawngah hian YMA chuan theihtawpin hma a la mek tih a sawi a ni.
PHE minister Prof Lalnilawma chuan Aizawl chawmtui Tlawng lui tuia harsatna awm thin chu sutkian a nih theihna tur leh kumtluana Aizawl khawpuiin tui hnianghnar a dawn theihnan hma lak a ni tih a sawi a. Chutih rualin tui hna humhalh tur leh Tlawng lui a thianghlim theihnana hmalakna chu sawrkar leh mimal maia tih chi a ni loa, mipui kan zavaia kan tanrual a pawimawh tih a sawi a ni.
Inkawmkhawmnaah hian Tlawng lui bul hnai, Tlawng lui ram thlenga ram nei khua/veng YMA branch 67 aiawh an tel a. PHE engineer -in- chief H Duhkima’n Tlawng lui humhalh a tul dan leh plastic hman nasat that loh zia a sawi a, sawiho zui a ni.
Tlawng lui humhalh tumnaah a bulhnai YMA-te nen sawikhawm
