Bairabi-atlawng lui lianin ram leilung a lak hek thin venna tura bialtu MLA, minister K Lalrinliana ruahmannaa siam chu Inrinni khan a hmunah hnathawh enfiah a ni.
Tlawngtui lian avanga Bairabi South-in harsatna an tawh thin sutkianna’na ‘Rivertraining Works attlawng River’ hnathawh mek hi hmun 4-a then a ni a, thawktu mi 4 an awm. Minister-in a tlawh lai hian khawtlang hruaitute chuan tui lianin kopang a lak hek zel venna tura hnathawh then 1-na,then 3-na lehthen 4-na chuthatakathawh a nih laiin,then 2-naah erawh beisei angin hna kalpui a ni lotih an lo thlen a. Hetianga hna a khaihlak reng chuan ruahtui tlak tam hunah harsatna lian zawk a thlen an hlauhthawn thu an sawi.
Ministertawiawmtu PWD hotute chuan he hna hi kumin October 17-a zo hman tura ruahman a nih thu lehtun dinhmunah hna hi zaa 70 zotawh anga chhut a nih thu an sawi.
Bairabi North leh South-a inhmun nghet nei loten in sakna tur hmun an neih ve theihna’na a MLA fund hmanga a ruahman, Bairabi South-a inhmun 56, Bairabi South lei bula inhmun 43 leh Bairabi North-a inhmun 56 ruahmante chu a hmunah K Lalrinliana hian a endik a. Bairabi Games & Sports Association tana football khelmual laih mek a tlawh bawk. Zophai ramri hnaiha inkalpawhna tha a awm theihna’na kawng thawmthat hnathawh a tlawh a, ramri venhimna’n leh ram hauhna’n Zophai hmuna hmasawnna hnathawh kalpui a pawimawh tih a sawi a ni.
State chhungah tuialhthei chhekkhawlna tha a awm loh avangin inkalpawhnaah harsatna a awm changin petrol leh diesel indaih lohna a thle nthuai thin tih, Inrinnia Bairabia filling station thar a hawnnaah FCS&CA minister hian a sawi a. Oil depot changtlung zawk siam a nih theihna’n sawrkar pawhin hma a la mek tih sawiin, petrol leh diesel indaih lohna avanga harsatna thleng thin chu kawng engemaw tala he filling station thar hian a sutkian a beisei tih a sawi a ni.
Tlawng luiin ram a lak hek venna tur hnathawh enfiah
