Tlawng tui hna tih punna atan DPR siamna sum tifel

Tlawng tui hna tih punna atan DPR siamna sum tifel
Tlawng lui tui hna tih pun lehna atana hmalakna tur, detailed project report siamna atana sum mamawh chu Brahmaputra Board-in a tifel.
High Powered Review Board of Brahmaputra Board thutkhawm chu sawrkar laipui Ministry of Jal Shakti minister CR Patil kaihhruaiin Ningani khan Guwahati-ah neih a ni a, hmarchhak state chief minister leh an aiawh an tel. Mizoram chief minister aiawhin minister PC Vanlaruata a tel a ni.
Thutkhawmah hian Brahmaputra Board hnuaiah Mizoram tan anti-errosion measures kalpuina tur, Tuiphai lui Serchhip district, Tuipui lui Champhai district, Chite lui Vairengte atan detailed project report siamna tur pawm a ni a. Tlawng lui tui hna tih punna tur DPR siamna sum tihfel a ni bawk.?
Mizoram CM aiawha tel PC Vanlalruata chuan Brahmaputra Board chu hmasawnna hna thawh kawnga chak zawka hma la thei tura thuamchak a tul tih a sawi a. Mizoram-in project a thehluhte ngaipawimawh a nih avangin lawmthu a sawi a ni.