Tom-a’n lemchan a chawlhsan rih dawn
Spider-Man changtupa Tom Holland chuan The Crowded Room series an channaah a hah rimtawng deuh a, hun thawl zawk nei a, han hawi thawven deuh nan kum khat vel chu lemchan chawlhsan rih a tum niin a sawi.
Extra-in an kawmnaah Tom chuan, “A hahthlak ngar ngar khawp mai. Ka la tawn ngai loh leh la dai ngai loh chhungril lam thil thlengin kan tawng ve a. Chumai bakah producer nih ve bawk si chuan nitin film set-ah harsatna chi hrang hrang kan tawk ve reng bawk a, chu chuan pressure a tihsan belh nasa em em bawk a ni. Kum khat tal chu ka chawl ang, chu chuan he show hautak zia hi a tilang chiang a ni,” a ti.
The Crowded Room hi Apple TV+ series a ni a, Tom Holland hi 1979 a New York-a inkahna thleng avanga man Danny Sullivan lemah a chang a, detective Rya Goodwin (Amanda Seyfried)-i’n a dawp velna aTangin a nuna a thil lo tawn tawh hrang hrang te an tarlang a ni.
Tom chuan, “Rim taka hnathawh lamah hian ka mikhual bik lem lo. Thawhrimna hi hna Tha kan thawh theihna a ni tih ngaihdan ka nei mi ka ni. Nuam pawh ka ti. Mahse, tun Tum zet chu, he show hi chuan min tichau a ni. Hetiang hun hi a lo thleng ve Thin a ni ang e. Chawlh ka mamawh a ni e,” a ti bawk.
Tom Holland hian nun hrisel neih nan nun inbuk tawk neih thiam a pawimawh thu te pawh a lo sawi tawh a, nikum August thla aTang khan social media a lo chawlhsan tawh a, hei hi a rilru lam hrisel nana a tih niin a sawi a, “Mental health atan social media ka chawlhsan a ngai, a chhan chu Instagram leh Twitter te hian min tibuai tlat. Online-a ka thil chhiar te hian rilru hnualna te min siam nasa Thin. Chuvangin app te ka delete ta a ni,” a lo ti tawh bawk.
tom-a’n lemchan a chawlhsan rih dawn
