Tourism department chuan kumdanga a lo huaihawt thin Tour De Hmuifang chu kuminah neih leh a rel.
Ningani khan Tourism minister Robert Romawia Royte hoin department hotute leh Mizoram Cycling Association hruaitute nen hun hman dan tur rel a ni a. Tour De Hmuifang hi September 23 (Inrinni) ah neih tum niin, category panga – elite, junior, masters, road bike leh women ah inelna siam a ni ang.
Lawmman hi sumfaiin pakhatna Rs. 20000, pahnihna Rs. 15000, pathumna Rs.10000 an dawng anga, consolation prize mi 10 hnenah Rs.1000 theuh hlan a ni ang.
Aizawl veng laili atanga flag-off in, Hmuifangah zawh a ni anga, Mizoram pawn atangin cyclist tamtham tak he inelnaah hian tel tura beisei an ni.
Tour De Hmuifang hi kum 2021 atang khan Tourism department hian Mizoram Cycling Association puihna in a lo huaihawt tawh thin a ni.
Tour De Hmuifang nei dawn
