Pathianni zana khelh zawh tak Afcon 2025-ah khan thil nawi, dangdai leh nuihzatthlak tak tak a thleng nual a, chung zingah chuan Towel inruksak leh Towel inchuh a lar hle. Champion ta Senegal in goal veng tura an hruai Yehvann Diouf chuan final-ah khan goal veng lovin Mendy Towel a veng tluan ve thak.
Final khelh lai khan ruah a sur a, a hnawng hle. Si nghak te kutkawr (Goalkeeper Gloves) kha a khat tawka tih ro reng a ngai. Gloves hnawnin a nal dawn a, ball a man nghet thei dawn lo tih hriain inelna thlengtu Morocco lamin tactic thing deuh an play a, an ballboy ten Keeper Gloves ruksak phet an tum. Morocco hian semi-final-a an khingpui Nigeria singhak Stanley Nwabali Towel ruksakin an lo tibuai tawh bawk.
Nigeria laka Morocco chet duh dan hian mak tih a hlawh a, nuihzat a hlawh tel bawk. Mualpho viau mah se sim tang ei an ti lova, final-ah uar zawkin an che chhunzawm leh. Morocco chet lak duh dan an hriat lawk vangin Mendy Towel vengtu tur an inruat tawp a, chu an mi ruat chu goal veng tura an hruai Yehvann Diouf a ni.
Final-ah hian rin lawk aia uarin Morocco ballboy in Towel ruk an tum a, Diouf nen hian an inchuhbuai fo. Ballboy mai an ni lo Morocco captain Acharf Hakimi meuh pawh a bang lova, PSG defender hian Senegal Towel a paihsak.
Mual chhung lama goal veng Mendy-a’n penalty save in Senegal a champion pui a. Towel vengtu rinawm Diouf pawhin venghim ve bawkin Morocco lakah Senegal chu hnehna a lo chanpui ve bawk.
Towel vengtu rinawm Diouf
