Traffic Police tan CSR hmang
AMRI Hospital chuan an corporate social responsibility kaltlangin Aizawl Traffic Police te hriselna an endik sak bakah an duty naa hman tur nihliap an hlan.
July 20 khan nihliap inhlanna leh hriselna endik sak hi Aizawl Police Station-a Traffic Police awmnaah neih niin, IGP Lalbiakthanga Khiangte chuan a hmanpui.
AMRI Group chief executive officer Rupak Barua chuan CSR hmang hian sawrkar hnuai leh pawl hrang hrang tan an luangchhuak thin a, hei hian inpawhna tha zawk leh hriselna vawn uluk kawngah mi a puih thin thu a sawi.
Health check up ah hian Hepatitis B leh C kai leh kai loh enfiah sak an nih bakah mahni hriselna vawn uluk kawnga hriat tur tul te inhrilh a ni a. Vawiin, July 21 hian AMRI Hospital ami senior gastroenterologist Dr Sanjay Basu chu a thlawnin Traffic Police-te hian an inentir thei bawk dawn a ni.
Traffic Police tan CSR hmang
