Transport-ah hna 50% vel ruak
– Transport minister
An department-ah hnaruak hnawh khah loh zaa 50 vel a awm mek niin Transport minister Vanlalhlana chuan a sawi.
Assembly Session-ah zawhna chhangin minister hian, hnaruak zingah motor vehicle inspector (MVI) pawh a tel a, post 20 awmah tunah post 14 a ruak tih a sawi. MPSC-ah MVI 8 lak dilna an thlen a, MPSC-in hna a ngah deuh avangin tun thlengin an la ti hlawhtling thei loa, theih ang angin an nawr ve reng tih a sawi.
Sawrkarin lirthei a enkawlna, driver leh POL ah sum tam tak a sen thin avangin ‘Mizoram Government Vehicle Outsourcing Policy 2019’ hmangin private lirthei outsourcing hi an kalpui tan mek a, hlawhtling viau in an hriat tih a sawi a ni.
Sawrkar kum kal mek, 2025- 2026 chhung, 2026 December thlengin Transport department chuan lirthei atangin chhiah tlingkhawm Rs. 48,63, 59,440 a hmu tawh tih a sawi bawk.
Transport-ah hna 50% vel ruak – Transport minister
