Site icon The Aizawl Post

Triplets thla kim lo nasa ber

Triplets thla kim lo nasa ber
Triplets an ti a, keini chuan phir pathum kan tih ve mai a ngai! An hming cu Rubi-Rose, Payton-Jane leh Porscha-Mae Hopkins te an ni a, ni 121 (kar 22 leh ni 5)-ah an piang a, triplets zinga thla kim lo nasa ber niin, tunah chuan an unau hian kum hnih an tling an tling ta.
Bristol, UK a cheng Michaela White chuan a nau a pai tih a inhriat chuan a naupai chu kar 19 a lo tling der tawh a, chutah pawh phir pathum a pai tih a inhre zui a, nau a pai tih a inhriat atanga kar thum hnuah chuan nau a nei ta der mai a ni.
Heng phir pathum te hi an pian hlima an rih zawng belhkhawm chu kg 1.28 chauh a ni a, khawvel phir pathum pianga dam chhuak vek zinga an rihna belhkhawm zâng ber record a ni bawk.
February ni 14, 2021 a piang an ni a, Rubi-Rose a piang hmasa ber a, zing dar 10:33-ah piangin, gram 467 a rit a ni. Rubi-Rose a pian hnuah Michaela chu operating theatre-ah emergency-a lakluh niin, Payton-Jane leh Porscha-Mae chu chu chhun dar 12:01 leh 12:02-ah an zai chhuak ta a ni. Payton-Jane hi a pian hlimah gram 402 a rit niin, Porscha-Mae hi gral 415 a rit a ni ve bawk.
An pian hlimah hian polythene-a tuamin, nu chhul ang deuha siam chawpa dah an ni a, incubator hran theuhah dah an ni. An pian hlimah hian doctor te pawhin an dam chhuah beiseina an nei sang lo hle a, Porscha-Mae hian thluaka thisen tling a nei zui a, mahse, hlawhtling takin an enkawl zui ta a ni.
An pahum hian neonatal intensive care unit (NICU)-ah thla tam tak an awm zui a, Rubi-Rose leh Payton-Jane te hian July thlaa NICU an chhuahsan a, Porscha-Mae hi chuan October-ah NICU a chhuahsan ve thei chauh a ni. Thla kim lo nasa taka piang an nih avangin natna neuh neuh an ngah a, sepsis, jaundice leh thawkna lama harsatna te an nei nghal nghe nghe a ni.

Exit mobile version