Tripura Food & Civil Supplies minister Sushanta Chowdhury chuan inrinni khan an state chhunga fuel phurhluhna rel kawng Lumding leh Badarpur inkara mi chu a chhiat avangin fuel lakluh kawngah harsatna an tawk deuh rih dawn niin a sawi a, hei vang hian nimin atang khan bituk chin neia an pekchhuah rih dawn thu a sawi.
Minister sawi danin pathianni atang khan two-wheeler te tan ni khatah petrol cheng 200 man pek tan niin, three-wheeler in ni khatah cheng 400 man leh four-wheeler in ni khatah cheng 1000 man petrol an dawng rih dawn a ni.
Lumding leh Badarpur inkar rel kawng chhiat avang hian an state chhungah fuel stock nasa takin a tlahniam a, hei vang hian state sorkar chuan petrol bituk chin neia hralhna tur dan hi a siam ta a ni.
Supply minister sawi danin rel kawng chhia hi Northeast Fronties Railway (NFR) general manager a sawipui tawh thu leh, November 13 ah chuan siam zawh hman ngei an intiam thu a sawi bawk.
Tripura in fuel bituk chin neiin hralh rih dawn
