Trisha Yearwood-i’n CMT Music Awards Humanitarian Award dawng dawn
Country star Trisha Yearwood chuan April ni 7-a sem tur CMT Music Awards-ah June Carter Cash Humanitarian Award a dawng dawn a, CMT Music Award-ah hetiang category hi an vawi khat pekna tur a ni. Moody Center, Austin, Texas-a CMT Music Award semnaa hian Trisha Yearwood hi a inlan dawn a, 2019 hnuah he award stage-a a inlan lehna hmasa ber tur a ni.
He award hi country music pioneer June Carter Cash puala an siam niin, artist, duo/group emaw veteran lamah pawh an artist pui te leh khawtlang tana thawk tha leh inpe te hnena hlan thin tur a ni, June Carter Cash hi musician, singer, songwriter leh entertainer a nih mai piah lamah music icon Johnny Cash nupui a ni bawk.
Trisha Yearwood hi 2024 CMT Music Awards-ah hian a perform nghal dawn a, a hla thar ‘Put It in a Song’ a perform dawn a, he hla hi a album tlangzarh thar tur ami a ni. Yearwood hian Grammy Award leh CMA Awards pathum ve ve a lo dawng tawh a, midang tana inpe zo tak niin, kum 20 vel zet chu Habitat For Humanitu bakah Carter Work Project leh National Women Build Week te pawh a lo thawhpui tawh a, 2016 khan Habitat Humanitarian-ah an lo puang tawh bawk. Hei bakah hian Stabford Women’s Cancer Center, American Cancer Society, Humane Society, Grammy Foundation/MusiCares, Georgia Campaign for Adolescent Power and Potential, Starkey Hearing Foundation leh Susan B. Komen Foundation-ah te pawh a inhmang nasa le a ni.
Trisha Yearwood hi a hmeichhe zaithiampui te tana mentor tha tak niin, Five Decades, One Voice-ah a hmahruaitu a ni a, Country Music Hall of Fame and Museum-ah pawh a thawh hlawk pawl a ni bawk.
Trisha Yearwood-i’n CMT Music Awards Humanitarian Award dawng dawn
