Truck-in lei zawh chim
Lawngtlai district khawthlang lama Tuichawng lei chu truck-in March 27 khan a zawh chim a. Mi pahnihin hliam an tuar.
Thudawn danin, Thawhtanni chawhma dar 10.45 vel khan Lawngtlai district chhung, Vaseikai leh Longpuighat inkara Tuichawng lei chu truck (Hyva) RJ 19GG 6135 rit phurin a zawh laiin a chim a. Truck hi Border Roads Organisation ta niin, kawng siamnaa hman tur lung her nawi a phur a, lei lai vel a thlenin lei hian zo loin a chim ta a ni.
Truck khalhtu Darshan Nagi (41) Orissa lam mi chuan hliam a tuar a, leia awm Shaikh Farid, Assam lam mi pawh tla telin, taksa pawn lamah chuan hliam na sawi tur a nei lo thung.
Nikum April 6 tlai dar 5.30 vel khan tuna lei chim ta bulah hian lei chim thlakna tura lei dawh lai chu a chim tawh a, hnathawktu hnamdang engemawzatin hliam an tuar a, pakhaktin nunna a chan a ni.
Truck-in lei zawh chim
