Armenian rawlthar Grigor Manukyan chuan truck pahnih tlan lai inkara bar khamah pull-up vawi 44 tiin Guinness World Record a siam. Pull-up chu exercise lak dan hahthlak tak mai, ban leh dul tana exercise tha tak a ni a, bar khamah bar mar zata uaiin, an kiu-ah ban titawmin an inpawt kang a, an khabe bar chungah an dak chhuak a, chumi hnuah ban timarin an uai chhuk leh thin. He rawlthar hian hetiang hian truck pahnih tlan lai inkara bar khamah vawi 44 a ti thei a ni.
Grigor Manukyan, kum 18, hi Armenia a cheng a ni a, “Training hautak tak ka neih thin avangin thil harsa lutuk chu a ni lo. Vawi 50 thleng pawh ka tih theih ka ring, mahse, 44-ah khan ka duhtawk ta a ni. Ka record siam hi 44-day Astsakh war a Armenian sang tam tak, ram tana an nunna hlan te pualin ka hlan a ni,” a ti.
Record siam tur hian Guinness guideline-ah chuan truck te hi 5 kmph aia muanga tlan phal a ni lo a, hun bituk erawh a awm lo va, theih chen chen pull up chu tih mai tur a ni. A hmaa hetiang record chu nikuma Italian Tazio Gavioli siam a ni a, ani chuan vawi 35 a ti thei a ni.
Grigor hi record siamah a mikhual tawh bik lo va, nikum November khan helicopter thlawk laiah minute khatag pull up vawi 36 tiin record a lo siam tawh a, tunah hian thlawhtheihnaa minute khata pull up ti tham thei record siam tumin a inbuatsaih leh mek a ni. Gregor hian pound 20 (kg 9 vel) a rit thil ak chunga minute khata kut zungtang pali chauh hmanga pull up ti thei (31) record pawh a lo siam tawh bawk a ni.
Truck pahnih tlan lai inkara bar khama pull-up tiin record siam
