Trump-a lakluhnaah Xi-a tel rinawm loh
China president Xi Jinping chu January thlaa US president thar lakluh inkhawmah Donald Trump hnen atanga sawmna dawng mah se, a tel a rinawm loh niin a laichin hnai tak pahnih chuan an sawi.
He president thar lawmna leh lakluh inkhawmah hian US-a China ambassador leh Beijing atanga kal official thenkhatte chu an tel tura ngaih a ni.
News channel thenkhat tarlan dan chuan China president in tel a tum loh thu a sawi chhan hi ramdang hruaitu tumah president lakluhnaah an tel ngai loh vang a nih thu an sawi.
Hetih lai hian Trump-a thupuangtu Karoline Leavitt chuan Fox News hnenah, ‘Trump chuan tangrual ram chauh ni lo, kan hmelma leh kan elpuite nen inkungkaihna leh inbiakna zau zawk kan neih theih nana kan inhawnzauzia lantir a duhna a ni,’ a ti thung.
Trump hian tun hnaiah China hi nasa taka sawiselin, thuneihna a chan hunah phei chuan China bungraw lakluh atanga chhiah tihsan a nih tur thute a lo sawi lawk tawh a, China nen hian an inngur chho mai thei nia sawi a ni hrim hrim bawk.
Trump-a lakluhnaah Xi-a tel rinawm loh
